СУДАҒЫ ҚАУІПСІЗДІК

[center]
Хаттама

Тараз қаласы
Өткізілген күні: 03. 05. 2019 жыл

Қатысқандар: 1.Мектеп директоры-А.Абашова
2.ДҚТІЖО –Р.Игиликова
3.ДТІЖО-Ж.Туленбекова
4. Сынып жетекшілер- 23
5. Оқушы саны-- 374 (5-11 сынып)
Шақырылғандар:
1.Төтенше жағдайлар басқармасының Жедел құтқару жасағы қызметкерлері- Д.Ж.Келіс, В.М.Рустемов, М. Кенжегулов


Күн тәртібінде

1.Судағы қауіпсіздік


Тыңдалды:

Сөйледі: Мектеп директоры А.Абашова Жамбыл облысы Төтенше жағдайлар департаментінің 2019 жылғы 17 сәуірдегі № 29-20-8-8773-И хатын орындау мақсатында ұсынымды назарға алып, 2019 жылдың жазғы шомылу маусымында білім мекемелерінде және жазғы сауықтыру лагерьлерінде, қаладағы (облыстағы ) су айдындарында судағы төтенше жағдайлардың сондай-ақ, балалар өлімін болдырмау және алдын алу жөнінде іс-шаралар жүргізіліп жатыр. Судағы қауіпсіздік шараларымен түсіндіру жұмыстарын жүргізу мақсатында бүгін бізде Тараз қаласы Төтенше жағдайлар басқармасының бастығы Е.Ақылбековпен келісілген кесте бойынша сынып сағатын өткізуге мамандар келіп отыр, Су қауіпсіздігі бойынша сіздерге түсіндіру жұмыстарын жүргізеді деп таныстырып өтті.
Сөйледі: Төтенше жағдайлар басқармасының бас маманы М.Кенжегулов Соңғы жылдарда су айдынында балалармен, ата-аналармен үгіт-насихат жұмыстары жүргізіліп жатса да, суға кету оқиғалары жалғасуда. Әр отбасы балалардың қала аумағындағы «Зербұлақ » көлі мен басқада аймақтардағы (облыс көлеміндегі) су тоғандарында балалардың жазғы маусымдағы шомылу қауіпсіздігін қамтамасыз ету керек. Жазғы демалыс кезінде ата-аналар балаларды қадағалауда ұстап , ересектердің қарауынсыз суда жүзуге тыйым салынады және т.б жан-жақты түсіндіру жұмыстары жүргізілді. Суда жүзу ережесімен, суда жүзу кезіндегі негізгі талаптар: қоршау белгілері қойылған жерлерде жүзуге болмайды, тыйым салынған жерлерде суға түспеңіз, суда жүзіп жүрген балаларды қараусыз қалдырмаңыз, суда жүзу кезінде қолыңызда камера, доп, тақтайша болмасын. Суға кету жайында жалған белгі бермеңіз. Жүзіп бара жатқан қайықтарға т.б жақын бармаңыз. Өзіңізге таныс емес жерге жүзіп бармаңыз. Қорғаныш заттарсыз суға түспеңіз. Қараңғы түскен мезгілде суда жүзуден бас тартыңыз. Жедел қызмет телефоны-112 ге хабарласыңыз т.б. түсіндіру жұмыстары жүргізіліп, суға кеткен жағдайда қауіпсіздік ережелерін сақтап, бола қалған жағдайда алғашқы көмекті қалай көрсету жолдары көрсетілді.


Шешім:
1. Ата-ана бала тәрбиесіне жауапкершілікпен қарап, жаз мезгілінде суда шомылу ережелері мен қауіпсіздік шараларын қатаң сақтасын.
2. Мектеп әкімшілігі, сынып жетекшілер суда шомылу ережелері мен қауіпсіздік шараларын түсіндіру жұмыстары жүргізілсін.




ДҚТІЖО Р. Игиликова
Хатшы А.Ақберді