2021-2022 оқу жылында мектепте ыстық тамақты ұйымдастыру туралы АНЫҚТАМА

2021-2022 оқу жылындағы  мектепте ыстық тамақты ұйымдастыру  туралы  

АНЫҚТАМА

Мақсаты: Аз қамсыздандырылған отбасы балаларына мемлекет тарапынан тегін ыстық тамақпен қамтамасыз ету.

       Мектеп асханасында ыстық тамақпен қамту жұмыстары ұйымдастырылып, асхана жұмысын бақылау жауапкершілігі  жүктелген  мектеп қызметкері бұйрықпен тағайындалды.

Білім мекемелеріндегі  аз қамтылған отбасы балаларының қатарына жататын оқушыларды анықтау ережелері

«Мемлекеттік білім беру мекемелерінің мемлекеттік атаулы әлеуметтік көмек алуға құқығы бар отбасылардан, сондай-ақ мемлекетік атаулы әлеуметтік көмек алмайтын, жан баына шаққандағы табысы ең төменгі күнкөріс деңгейінің шамасынан төмен отбасылардан шыққан  білім алушылары мен тәрбиеленушілеріне және жатім балаларға, ата-анасының қамқорлығынсыз қалып, отбасыларда тұратын балаларға, төтенше жағдайлардың салдарынан шұғыл жәрдемді талап ететін отбасылардан шыққан балаларға және өзге де санаттағы білім алушылар мен тәрбиеленушілерге қаржылай және материалдық көмек көрсетуге бөлінетін қаражатты қалыптастыру, жұмсау бағыты мен оларды есепке алу қағидаларын бекіту туралы» Қазақстан Республикасы Үкіметінің 2008 жылғы 25 қаңтардағы №64 қаулысында (22.02.2012ж. берілген өзгерістермен)  көрсетілген мәлімет бойынша анықталады: 

          - күнкөріс деңгейі - жанұяда табыс адам басына шаққанда 34020 теңгеден; 

- кедейлік шегі (жанұяда кіріс адам басына шаққанда ең төменгі күнкөріс деңгейінен төмен болса) - 23824 теңгеден болған жағдайда.

Жалпыға бірдей міндетті  білім беру қорынан көмек алуға құқығы бар оқушылар:

1. Интернаттық ұйымдардың тәрбиеленушілері;

2. Жетім балалар, ата-анасының   қамқорлығынсыз  қалған балалар, мүгедектер;

3. Мемлекеттік атаулы әлеуметтік көмек алуға құқығы бар отбасыларының балалары;

4. Көп балалы отбасыларының балалары;

5. Мемлекеттік атаулы әлеуметтік көмек алмайтын, жан басына шаққандағы табысы ең төменгі күнкөріс деңгейінен төмен отбасыларының балалары;

6. Денсаулық жағдайына байланысты ұзақ уақыт  бойы жалпы орта  білім беру бағдармалары бойынша емдеу ұйымдарында білім алатын балалар.

Жалпыға бірдей міндетті білім беру қорынан көмек алуға құқығы бар оқушыларды анықтау үшін керекті құжаттар:

- еңбек және халықты әлеуметтік қорғау орталығынан отбасының аз қамтамасыздандырылған жанұя ретінде есепте тұрғаны туралы анықтама;

- еңбек және халықты әлеуметтік қорғау орталығында аз қамтамасыздандырылған жанұя ретінде есепте тұрмаған жағдайда отбасының жағдайын  зерттеп, акті   жасап, табысын адам басына шағып есептеу қажет. 

Аз қамсыздандырылған  отбасынан шыққан  1-10 сыныптардан  қазіргі таңда 273 оқушы құжат тапсырып отыр. 

Ақысыз  ыстық тамақпен (аз қамтылған, көп балалы, жетім) қамтамасыздандырылатын   оқушылардың  тізімі  жасалып,   төмендегідей құжаттары   жинақталған. 

1. Өтініш

2. Өтініш иесінің (отбасының) жергілікті атқарушы органдар тарапынан ұсынылатын мемлекеттік атаулы әлеуметтік көмекті тұтынушылар қатарына жататынын растайтын анықтама

3. Табысы туралы мәліметтер (жұмыс істейтін ата-аналарының немесе оларды  алмастырушы тұлғалардың еңбекақылары, кәсіпкерлік және басқа да қызмет түрлерінен түскен табыстары, балаларға төленетін алимент түріндегі және қарауындағы басқа да адамдардың табыстары).

4. Отбасыларда тәрбиеленіп жатқан жетім балалар және ата-анасының қамқорлығынсыз қалған балалардың қорғаншылықта (қамқоршылықта), патронаттық тәрбиеде екендігін  растайтын  уәкілетті  органның  шешімі.

5. Материалдық-тұрмыстық  жағдайын  тексеру  актісі.

6. Басқа: 

-туу туралы куәліктің  көшірмесі.

-оқушының  ЖСН-ң  көшірмесі.

- оқушыға халыққа қызмет көрсету орталығынан анықтама.   

- жанұя құрамы туралы анықтама 

-ата-анасының мүгедек, қайтыс болғандығы, ажырасқандығы  туралы  ,көп балалы  отбасынан  шыққандығын  растайтын  куәліктердің   көшірмелері.

- ата-анасының жеке куәліктерінің көшірмелері.

       Аз қамтылған отбасыдан шыққан балаларды жалпы оқыту қорынан берілетін бір мезгіл ақысыз ыстық тамақпен білім беру ұйымының алқалы басқару органы айқындайтын білім алушылар мен тәрбиеленушілердің  өзге де санаттарына жататын (жұмыссыз, ешқандай көмек алмайтын) отбасылардан шыққан 1-10 сыныптардан – 126 оқушыға үй-тұрмыс жағдайын тексеру актісі толтырылып, тізімі жасалынды.

          Аз  қамтылған,   көп балалы, жетім  отбасынан шыққан  оқушылар  ақысыз  ыстық  тамақпен   қамтылған. Нормативтік   құжаттардың  жүргізілуі, оқушылардың  ыстық тамақпен қамтылуы,  қоңырау кезінде  оқушылардың асханада тамақ  ішу кестесі және сынып жетекшілердің  кезекшілігі  күнделікті   мектептің әлеуметтік педагогі   тарапынан қадағалануда. 

Асханадағы бөлмелер мен құрал жабдықтардың санитарлық-эпидемиологиялық  ережелер мен  нормаларға  сай  санитарлық жағдайда болуын , мектеп асханасының  көрінетін  жерінде дұрыс тамақтану бұрышын ұйымдастыру, ата-ана үшін «Бақылау асын қою», қолданып жүрген заңдылықтарға сәйкес сапалы әрі қауіпсіз азықтармен  асхананың қамтамасыз етілуі, оқушылардың  тамақтан  улануының  алдын алу мақсатында  асханада  пастерленбеген  сүтті, газдалған  сусындарды, тез дайындалатын тамақты (гамбургерлер,хот-дог, фаст-фуд тағамдары,  чипси, кирешки, қуырылған жұмыртқа, бәліш) құрамында гинетикалық  түрлендірілген  индегредиенттері бар өнімдерді бар қолдануға тиым  салынуын  мектеп   медбиекесі М.Жумашева қадағалап отырады.

Тұрмысы төмен отбасынан шыққан балалар жалпы оқу қорынан  ақысыз ыстық тамақпен, кітаппен, қыстық киіммен, жазғы демалыста  қала сыртындағы сауықтыру лагерьлеріне тегін жолдамалармен қамтамасыз етіледі. 

Шешімге ұсыныс:

1. Аз қамтылған отбасыдан шыққан 1-10 сыныптардан 273 оқушыларды жалпы оқыту қорынан берілетін бір мезгіл ақысыз ыстық тамақпен қамтылсын. 
2.  Аз қамтылған отбасыдан шыққан балаларды жалпы оқыту қорынан берілетін бір мезгіл ақысыз ыстық тамақпен білім беру ұйымының алқалы басқару органы айқындайтын білім алушылар мен тәрбиеленушілердің  өзге де санаттарына жататын (жұмыссыз, ешқандай көмек алмайтын) отбасылардан шыққан 1-10 сыныптардан – 126 оқушыға үй-тұрмыс жағдайын тексеру актісі жасалып, жалпы оқыту қорынан берілетін  бір мезгіл ақысыз ыстық тамақпен қамтылсын.